Blomsterdekoratørar skal kunne alle disiplinar i stell og handtering av blomsterdekorasjonar. Dei lagar bukettar, både vanlege og brudebukettar, kransar med og utan dekorasjonar, blomsterdekorasjonar, kistedekorasjonar og bårebukettar, blomstersmykke og samanplantningar. Blomsterdekoratørar skal også kunne teknikkane for tørrdekorasjonar, julebinderi og mosearbeid. Romdekorasjonar og kyrkjepynting høyrer også med. Dette arbeidet krev både botaniske kunnskapar og farge-, historie-, seremoni- og stilkunnskap. Blomsterdekoratørar må kunne ei rad teknikkar og metodar. Dessutan vektlegg ein kundeservice og varebehandling under opplæringa.